የመርካቶ ቸርቻሪ
ሸቀጥ አልባ ቸርቻሪ
ድብርት ዱካክ ያናወዘው ዘዋሪ
ተገኘ መርካቶ ኬኔዲ ላይብራሪ
ዱካኩን ሊያባርር
ወሬውን ይዞ ሲያዘዋውር
እነ ቤቲ አዩትና
ጠሩት ...ዳኒ ናና ..ና
ምላሱ ጫፍ ላይ የደረሰውን
የቅምቀማውን የፊልሙን
ወሬ ሊካፈሉት
ዙሪያውን ከበቡት ::
ወሬው እንደተጀመረ
ሁካታው የመርካቶውን መርካቶ ተወዳደረ
ያኔ ጨምጫሚው ቀና ብሎ ገልመጥ
ወግ ጠራቂውም 'አቦ ተወና አርፈህ ተቀመጥ '
አጣራቂዎቹም አብረው ማፍጠጥ
የሁሉም ዐይን ጎረጥረጥ
ጨምጫሚው ቦታ እንዳይቀይር
በጠፋ ወንበር
ዳኒም አጣራቂዎቹም የሚፈልጉት ነገር
ከዚያ ጨምጫሚውም ማጉረምገም
'ሁሉም እኮ አለው የራሱ ዓለም '
ሰው በቃ አይጨመጭምም ?!
ማጉረምረም ...
ፈልጐ ነገር እንደላስቲክ መለጠጥ
ጨምጫሚው በኃይል ጭብጨባውን ቢያቀልጥ
ወዲያው ግልምጫ ሲበዛ
ቢገባቸው ነገሩ እንዳልሆነ የዋዛ
ወሬ ቸርቻሪው ፍትልክ
እነ ቤቲም ቀስ ብለው ሹልክ
የኬኔዲ መርካቶ ቸርቻሪ
ጥናት ትቶ የሚቸረችረው
ወግ እና ጉራ ነው
ለነ ቤቲ ግን ""ሙድ "" አለው ::
መስከረም 22, 2001 ዓመተ ምህረት
No comments:
Post a Comment