Tuesday, January 22, 2013

Soccer, celebration, love and hate


Soccer is infectious and humbling. When you have  little or nothing to do with Europe or European Champions League, you watch it  and support your favorite team just for the love of soccer. You watch and support a European team not because you share identity, obviously. Not because you are forgetful of the politics of it. Not because you are not aware of the profit motive and entrepreneurial aspect of Champions League. Not because you are not aware of the hand it gives to cultural conquest which fosters domination and exploitation. We watch and support because soccer is infectious.

Watching your national team play another country is a different story. It is a different story because we share identity. Because celebration of the past  and anticipation of best future is embedded in the support we give to our national team.



Indulgence in a mood of celebration is not just glorification of the past and affirmation of  our identity -who we are as people. It is a celebration of determination, not necessarily success, to stand taller than the challenges we face.Celebrating determination virtually amounts to an early celebration of victory. Because determination is likely to beget victory of some sort. The reason we do celebrate determination is because it has the power to change what has to be changed. We do not celebrate the pain of the past when we are in a  combative mood.

Not believing my eyes in one of the clips of Ethiopia Versus Zambia, game, I had to google Zambian flag in an effort to have clarity as to whether flags waived at one spot  were  Zambian. They were not Zambian flag.They were waiving at a time when the Zambian team got a free kick out side the box. It came at a moment when team Zambia was attacking Ethiopia.

When a certain group of Ethiopian origin, irrespective of political difference or perception of the past, waives a political flag and supports the opponent, I call it extremism in the real sense of the term. How can a group of Ethiopian origin supports a team opponent to Ethiopia, and in a foreign land? Watch the clip below and find out what love for a country and hate for a country is like.

Click here to watch the Video

Watching Saladin and Adane together was  of special joy to me. They are not just an embodiment of Team Ethiopia. They are an embodiment of what Ethiopia stands for - past and present! We are moderate, respectful and loving people. We are people infected with love of a country. We love each other.

People who were in a mood of political extremism midst celebration of determination missed out on a captivating moment of Saladin's hunt for Adane after Adane scored the goal. He was hunting to hug him as a friend, as a team mate, as brother and as an Ethiopian. I can only imagine how those extremist flag bearers were unhappy about this moment. Know this: we are up for a different future. We have the power to change the past- and together. Embrace that very spirit! Do not hurt yourself living hate. Senseless hate springs from arrogance, not from knowledge.



Sunday, January 6, 2013

ለክርስቲያን ኢትዮጵያውያን በሙሉ እንኳን ለብርሃነ ልደቱ በሰላም አደረሳችሁ! 

Thursday, January 3, 2013

ጌትነት በሚመስል ሁኔታ ውስጥ ያለ ባርነት

የዛሬ ሶስት አና አራት ዓመት ይመስለኛል ከአንድ ጓደኛየ ጋር ኢትዮጵያ ውስጥ ስላለው የኑሮ ውድነት በስልክ እያወራን ነበር። የችግሩን መጠን የገለጸው እንጀራ መብላት በዚህ ዘመን አቅም የሚጠይቅ ነገር አንደሆነ በማስመር ነበር።  ያወራነውን ቃል በቃል ባላስታውሰውም “ድሮ እኮ ሰፈር ውስጥ የመጨረሻ ድሃ የሚባሉት ጤፍ ገዛን ሲሉ ሰምተናል። አስፈጭተው ሲመጡም አይተናል። የአሁኑ አኮ የሚገርም ነው። እንጀራ ብርቅ ሆነ።ጤፍ ገዝቶ ማስፈጨት አንደዱሮው ደሃውም ጭምር የሚያደርገው ጉዳይ አይደለም። የስኬት ሁሉ መገለጫ እይሆነ ነው ” በሚል መንፈስ በቁጭት አና በእልህ አንደተናገረ አስታውስሳለሁ። ምን አልባት ይሄ ጉዳይ በኢትዮጵያ ሁኔታ የተሻለ የኢኮኖሚ አቅም ለነበራቸው እና የዝቅተኛውን ማህበረሰብ የኑሮ ሁኔታ በቅርበት ለማያውቁ የማይገባ ነገር ሊሆን ይችላል።

ድህነት ለኢትዮጵያ አዲስ ነገር አይደለም።  ነገር ግን ኢትዮጵያ ከድህነት ጎዳና እየወጣች ነው ፣ የኢኮኖሚ እድገት አያስመዘገበች ነው(በዚህም ዓመት የስምንት በመቶ እድገት ታሳያለች የሚል ትንቢት ቢጤ በ'BBC'ም  ዜና ሳልሰማ አልቀረሁም) ፣ ከሰላሳ ዓመት ባነሰ ጊዜ ውስጥ መካከለኛ ገቢ ያላቸው ሃገሮች ጎራ ትሰለፋለች አየተባለ ባለበት ጊዜ ቅጥ ያጣ ድህነት መስማት ግራ ያጋባል። ጤፍ መግዛት ለአብዛኛው ኢትዮጵያዊ የኢኮኖሚ አብዮት አና ተዓምር የሚመስልበት ደረጃ ላይ ተደርሶኣል።አብዛኛው ኢትዮጵያዊ አንዳቅሙ ጤፍ ይገዛባት የነበረች የኢኮኖሚ አቅሙ እንኳ ከድታዋለች። ዝቅተኛ ገቢ ያለው የህበረተሰብ ክፍል ያለ ብዙ ጭንቅ አና ስቃይ ሊያገኛቸው የሚገቡ የዕለት ተዕለት የምግብ ሸቀጦችን ጭምር የወርቅ ዋጋ አንዲኖራቸው የሚያደርግ የኢኮኖሚ ፖሊሲ እየተከተሉ ህዳሴ ቢባል ወርቅ ነን ቢባል ብዙ ትርጉም አይሰጥም።

                 ኃይለማርያም ደሳለኝ ምን ጨመሩበት?
ግነት። ‘እንደሳቸው’  የጤፍ ዋጋ የተወደደው “አቅርቦት እና ፍላጎት ስላልተመጣጠነ፣ ጤፍ ተጠቅሞ የማያውቀው የህብረተሰብ ክፍል የጤፍ ፍጆታው ስለጨመረ ነው”  ለመሆኑ ጤፍ ቀምሶ የማያውቀው የህበረተሰብ ክፍል ገቢው በምን ያህል እጥፍ ቢያድግ ነው ከስድስት አና ሰባት አመት በፊት ጀምሮ ወደ ሰማይ እየጓነ የመጣውን የጤፍ ዋጋ የደፈረው? ጤፍስ ለውጭ ገበያ የሚላከው (የሚልከው አላልኩም) ጤፍ ቀምሶ ለማያውቅ የህብረተሰብ ክፍል ነው? የቅኔ ችሎታቸውን ስለማላውቅ አንጂ አቶ ኃይለማርያም የጤፍ ፍጆታን በተመለከተ ያሉት ነገር “ውስጠ ወይራ ይሆን?” እንዴ የሚያስብልም ነው። አሁን ባለው ሁኔታ ጤፍን የመግዛት አቅም ያለው ይብዛም ይነስም በስልጣን ላይ ያለው ቡድን የኢኮኖሚ አቅም የፈጠረለት የስርዐቱ የፖለቲካ አፋሽ አጎንባሽ አንደመሆኑ እውነታ ያዘለ ውስጠ ወይራ አነጋገር ሊሆን ይችል ይሆናል።


በሌላ አንጻር ደሞ በተደጋጋሚ ከሚናገሩት ነገር መውሰድ የሚቻለው ግምት የአቶ ኃይለማርያም ሁናቴ እና “ከለማበት የተጋባበት” የሚለው እሳቤ የዱባ አና የቅል ያህል ልዮነት አላቸው። አቶ ኃይለማርያም “ለሰፊው ሕዝብ ጥቅም” በቁጥጥር ስር የዋሉ ሰው ይመስላሉ። በስንት ጭቅጭቅ ተዳክሞ አና ተሸንሽኖ የተሰጣቸውን ስልጣን ከያዙ  ጊዜ ጀምሮ ከሚያንጸባርቁት ባህሪ መረዳት የሚቻለው  ሰውየው አዛዥ ናዛዥ ያለባቸው ችግራቸው ያልታወቀላቸው እስረኛ ናቸው።  ቁርጡ የታወቀው የነ በቀለ ገርባ አና የነ እስክንድር እስር መሻል ሳይሆን እጂጉን ይበልጣል፤መሰረታዊ በሆነ መልኩ። እነ በቀለ ገርባ ሪዮት አና እስክንድር ጭቆናን አና ጨቋኝን በመቃወም  በሚያምኑበት እና ህጋዊ በሆነ መንገድ መብታቸውን  ለማስከበር ተንቀሳቅሰው የታሰሩ መሆናቸው ከኃይለምርያም ደሳለኝ የተሻሉ አስረኞች ያደርጋቸው። በእስራቸው፣ በእንግልታቸው ውስጥ ፋይዳ አለ። ብዙ ባንጠቀምበትም። ሰው እምነቱን የፓለቲካም ይሁን ሌላ አላስነጥቅም ብሎ ከነእምነቱ ሲታሰር ክብሩን ይጨምርለት አንደሆነ ነው አንጂ አይቀንስበትም። በእስሩ ውስጥ ክብሩም አብሮት አለ። ሰው የሰውነት ክብሩን ለጨቋኞች ከሚያሳየው እምቢተኝነት የበለጠ በምንም ነገር ሊያስመሰክር አይችልም። አነኚህ እስረኞች የራሳቸው እስረኞች አይደሉም። ባለራዕዮች ናችው።  ክብር ያላቸው ናቸው። አንግዲህ “ይቅርታ ጠይቁ” የሚለው ፈሊጥ የታሳሪው ክብር ከአሳሪው ወገን በልጦ ሲገኝ ያንን ክብር ለማስጣል የሚደርግ ሙከራ መሆኑ ነው። 

በተቃራኒው ደሞ አቶ ኃይለማርያም ጨቋኞችን ደግፈው ከጨቋኖች ወገን ሆነው እየተጨቆኑ ያሉ የህሊና ያልሆነ እና ምንነቱ ያልታወቀላቸው  እስረኛ ናቸው።  የሚታወቀው ነገር ቢኖር የራሳቸውም የአለቆቻቸውም እስረኛ ናቸው። የእምነት ጥንካሬ አንኳን ባይኖር ፣ የፖለቲካ ብስለት ባይኖር አነጋገርን ማሳመር ብዙ እውቀት የሚጠይቅ ጉዳይ አልነበረም። ዮኒቨርሲቲ ውስጥ አስተምሮ የነበረ ሰው ፣ የዪኒቨርሲቲ ዲን የነበረ ሰው ፣ እድሜው በአርባዎቹ መጨረሻ ያለ ሰው አንደበቱ ሳይንተባተብ ሃሳቡ ሲንተባተብ ማይት ያውም ጠቅላይ ሚኒስተር የሚል ማዕረግ ተለጥፎለት ለሰሚው ግራ ነው።

የጤፍ ዋጋ ተወደደ ሲባል በቆሎ መበላት አለበት የሚል ፖለቲከኛ ምን እያለ ነው ያለው? የጤፍን ዋጋ ለመቀየር አቅም የለኝም ማለቱ ነው? ምንም ማድረግ አልችልም ማለቱ ነው? ኬኒያ እያለሁ የኬኒያን ፓለቲካ  በፍቅር እከታተል ነበር። ያኔ የፍትህ ሚኒስተር የነበረው ኪራይቱ ሙሩንጊ በጊዜው ስለነበረው ረሃብ አስተያየት ሲሰጥ “ኬኒያውያኖች የሚራቡት ምግብ ስለሚመርጡ ነው። ለምሳሌ ፈረስ አንበላም። አህያ አንበላም። ሌሎችንም እንስሳት[አይጥን ማለቱ ነው ያሉ ነበሩ]አንበላም” ብሎ ነበር። በነገታው የፖለቲካ ካርቱኒስቶች "ኪራይቱ ስጋ ቤት ፤ የአይጥ ስጋ፣ የአህያ ስጋ እና የፈረስ ስጋ እንሸጣለን” በማለት በ"ዴይሊ ኔሺን" ይሁን በ "ኢስት ስታንዳርድ" ጋዜጣ ላይ ካርቱን አውጥተው ነበር። ያኔ ኪራይቱ አንደፍትህ ሚኒስተር የነበራቸው ህገ-መንግስታዊ ጉልበት አና የእኛ የአሁኑ ጠቅላይ ሚኒስተር ኃይለማርያም ደሳለኝ ያላቸው ህገ-መንግስታዊ  የፖለቲካ ጉልበት አይገናኝም። ኪራይቱ ጠንከር ያለ ጉልበት ነበራቸው። ኬኒያ ህገ-መንግስቱ ከወረቀትነት ያለፈ ፋይዳ ስለነበረው። አንደዛም ሆኖ ለህዝቡ ሕገመንግስታዊ ጉልበት የሚጨምር አና የፖለቲካ ቀውስ አንዳይኖር ይረዳል የተባለለት አዲስ ህገ መንግስት ለማርቀቅ  ብዙ ሚሊየን ገንዘብ አውጥተው ባለሙያ ቀጥረው ነበር። የህወሃት/ኢሃዴግ ህገ መንግስት በርግጥ የማይረባ አንደሆነ በተደጋጋሚ ካረጋገጡት ነገሮች አንዱ የአቶ ኃይለማርያም ደሳለኝ ጠቅላይ ሚኒስተርነት ነው። ህገ-መንግስቱንም አቶ ኃይለማርያምንም አወቅን። በጌትነት ውስጥ ያለ ባርነት(ያውም የሳቸው ጌትነትም አይመስልም) በባርነት ውስጥ ካለ ባርነት የከፋ አንደሆነ ተረዳን። አንድምታው ምንድነው? ነው ጥያቄው!

             ‘ራስን’ መሆን
ራስን መሆን የሚለው ሃሳብ አንደ ቡድን አባል (የፖለቲካ ቡድን ይሁን ሌላ አይነት) ካየነው በተወሰነ መልኩ ስሜት ላይሰጥ የሚችል ጉዳይ ነው። ምክንያት- አባል ለመሆን የምንፈልገው  ቡድን ግብና ፕሮግራም ሙሉ በሙሉ በራሳችን ፍላጎት፣ እምነት እና አምሳል የተቀረጸ ላይሆን የሚችልበት አጋጣሚ  አለ። እንዲህ ባለ ሁኔታ አባል የሚኮንበት ምክንያት ወይ በሂደት ከውስጥ ታግሎ ነግሮችን ለማስቀየር ነው፤ አሊያም ደሞ ‘ሰጥቶ ለመቀበል’ የሚቻልበት  ሁኔታ ይፈጠራል ከሚል እምነት ነው። ያ ሁኔታ እስከሚፈጠር ድረስ አንደ አባል የምናዋጣው አና ካዋጣነው በኋላ አንደልብ የማናገኘው ‘ራስ’ አለ። የምናዋጣው ነጻነት አለ። የቡድኑ አባል ሆነን አስከቀጠልን ድረስም አንድናዋጣ የሚጠበቅብን ነጻነት ወይ ‘ራስ’ ባለቤትነቱ ከራስ ወጥቶ የቡድን ይሆናል ማለት ነው።

በምናዋጣው ነጻነት የሚሰራው ነገር ካዋጣነው ነገር ጋር ፈጽሞ ሳይመጣጠን ሲቀር ቀስ እያለ ወዳላዋጣነውም “ራሳችን” ፣ወዳላዋጣነውም ነጻነታችን መምጣቱ አይቀርም። የፓለቲካ እንቅስቃሴ አካል ሲኮን በምናዋጣው ነጻነት እገዛ ተጨቋኞች የበለጠ የሚጨቆኑበት ፣የሚጎዱበት ከሆነ ፤ጨቋኞች  ደሞ የበለጠ የሚጠቀሙበት ከሆነ ቆም ብሎ አለማሰብ “ራስን” ከመሳት ባለፈም የህሊና ክህደት እና ወንጀልም ጭምር ነው። ክሰው በታች የመሆን እና የአለመርባት ማረጋጫ ነው። በእንዲህ አይነት ሁኔታ ውስጥ ሆኖ መተባበር ከጥቅሙ (ጥቅሙ የኢኮኖሚም -ጥቅም የሚባለው እሱ ክሆነ -ወይንም ሌላ ይሁን) ጉዳቱ ያመዝናል። በክርስትና እምነት “ሰው ዓለሙን ሁሉ ቢያተርፍ ነብሱን ግን ቢጎዳት ምን ይጠቀማል” ተብሎ አንደተጻፈው ሰው በህሊናው የከሰረ ቢሆን እና ሌላ ነገር ቢያተርፍ ምን ይጠቅመዋል?? በህሊናውስ የከሰረ ሰው በምን ተዐምር የፍትህ አርበኛ ሊሆን ይችላል? በምን ተዐምር የሃገር ተስፋ አና ለሃገር የሚቆረቆር ዜጋ ሊሆን ይችላል? ምክንያት እየደረደረ የከዳውን ህሊናውን ከሚሸነግል በስተቀር?

አቶ ኃይለማርያም ደሳለኝ በሰሞኑ የፓርላማ ውሎ፣ከዛም በፊት በነበሩ ውሎአቸው ራሳቸውን ያልሆኑ ሰው አንደሆኑ በገሃድ አሳይተዋል። በአቶ ኃይለማርያም ደሳለኝ ቤት ምናልባት “ራሳቸውን ሆነዋል” ።  የኃይለማርያም ደሳለኝን መለሳዊ ስብዕና ኃይለማርያም ደሳለኝ ላይ ብቻ የሚያቆም ጉዳይ ቢሆን አንደችግር ባላየሁት።  ችግር የሚሆነው የሚተካው ትውልድ  የአቶ ኃይለማርያም ዓይነት (አንደሳቸው የሚብስበት ባይመስለኝም) የረዥም ጊዜ እሴት አና ማንነት ያለው ህዝብ  ውጤት መሆኑ ቀርቶ የግለሰብ ቅጂ የሆነ አንደሆነ ነው። አሁን በስልጣን ላይ ያለው መንግስት ከሚከተለው ፖሊሲ እና ፖሊሲው የሚፈጥራቸውን ውጥንቅጦች ቢያንስ በማህበራዊ ደረጃ የምናመክንበት አካሄድ በሌለበት ሁኔታ የአቶ ኃይለማርያም አይነት ትውልድ አንደማይፈጠርስ አንዴት መተማመን ይቻላል?

አንደሚመስለኝ የሟቹ ጠቅላይ ሚኒስትር ስብዕና አና እይታ ከብዙ ኢትዮጵያውያን ጋር ይጋጭ የነበረበት ምክንያት ሟቹ “ራሳቸውን የሆኑ” እየመሰላቸው ከየቦታው ያግበሰበሱት አና አንዳንዱም በውል ያልገባችው የሚመስል አስተሳሰብ ነበር። በነፍጠኛነት አና በጠላትነት ፈርጀውት የነበረው ህዝብ ላይ የነበራቸው እይታ ለዚህ አንደ ምሳሌ የሚሆን ይመስለኛል። ማንን አነበቡ? ከማን ጋር ተወያዮ? በምን አይነት ሃሳብ አቅጣጫ ተጓዙ? የሚሉት ጥያቄዎች ለታሪክ ተንታኞች ተትተው ያንን ከየቦታው አግበስብሰው በሰሩት የራሳቸው በመሰላቸው “ራስ እና ስብዕና” ጓደኞቻቸውን አስተባብረው በማህበራዊ አስተሳሰባችን ያደረሱትን ውድመት የሚገባን ዛሬ አይደለም። እንደ ኢትዮጵያዊ ከወደምን በኃላ ነው። እየወደምንም ነው። 

ከዚሁ “ራስን” ከመሆን ሃሳብ ጋር በተያያዘ  በሌላ አንጻር የተለያየ ጉዳይ ይዘው የ’አክቲቪዝም’ ስራ እየሰሩ ያሉ ወጣቶች ከያዙት ጉዳይ ባለፈም “ራሴን ነኝ። ራሴን ነው የምሆነው” አይነት ዜማ ሲያዘወትሩ ወደ ማህበራዊ ግንኙነት ሲቀላቅሉ ይስተዋላል። መጀመሪያ ነገር “ራስን መሆን” ከማህበራዊነት ጋር አይንና አፈር (ፈረንጆቹ oxymoron እንደሚሉት ያለ) ነው። ሲቀጥል ደሞ “ራሴ” በሚሉት ባህሪ የሚንጸባረቀው ሃሳብ  ሲገመገም  ምንጩ ራስ ሳይሆን ባህር ማዶ ሆኖ ይገኛል።

በዓለማችን ራሳቸውን ሆነው የተሻለ ደረጃ ላይ የደረሱ ህዝቦች አሉ። ከታሪክ አንደምንረዳው ኢትዮጵያውያንም ራሳቸውን ለመሆን የከፈሉትን ዋጋ ቀላል አልነበረም። በትክክለኛው ራስን መሆን ስህተት አይደለም። ቅንጦትም አይደለም። የእድገት ፍላጎት አለመኖርንም አይጠቁምም። ይልቁንም ኮለል ካለ የነጻነት ግንዛቤ የሚመጣ ባህሪ ይመስላል።  እርግጥ ነው አንዲህ ያለው “ራስን” መሆን  በውስጡ ያለው ጠንከር ያለ ማህበራዊነት ስለሆነ ለእድገት ውሃ ልክ እንደሚሆን ይሰማኛል።

የተጋረጠው ችግር ይሄንን ያለመመርመር ነው። የተጋረጠው ችግር ጌትነት በሚመስል ባርነት ውስጥ የሚታየው መመቻቸት ነው። ከውስጥ አንደ ኃይለማርያም ደሳለኝ አይነት ራሱን የካደ የአንድ ግለሰብን ስብዕና እንደ ሃይማኖታዊ እውነት የተቀበለ ካለ፤ ከውጪ ደሞ በሌላ አይነት ‘ጌትነት’ ውስጥ ያሉ የሚመስላቸው “ራሴን ነኝ” የሚሉ የሌላ ስሪቶች ካሉ የህዝባችን አና የሃገራችን ዕጣ ፋንታ መመለሻ ወደሌለው ባርነት ከመትመም ውጭ ምን ሊሆን ይችላል? ምናልባት ይሄኛው ትውልድ ነገሩን አውቆት፤ በባርነቱ አምኖበት ይሆናል። እንዴት በሚመጣው ትውልድ ይፈረድበታል??! የሃገር ቀጣይነት እና ተስፋውስ ምንድን ነው?  


በአዲስ አበባ ዪኒቨርሲቲ ሳይንስ ፋካሊቲ በተማሪዎች መካከል ግጭት ተከሰት


ትላንት ማታ በኢትዮጵያ ሰዐት አቆጣጠር ከምሽቱ ሶስት ሰዐት አካባቢ በአዲስ አበባ ዪኒቨርስቲ ሳይንስ ፋካሊቲ ተማሪዎች መካከል ግጪት አንደተነሳ ኢሳት የአዲስ አበባ ምንጮቹን ጠቅሶ ዘግቦአል። ግጭቱ የጎሳ መልክ አንዳለው ፤ በትግርኛ አና በኦሮምኛ ተናጋሪ ተማሪዎች መካከል አንደተከሰተ ታውቆአል። በዚሁ ግጭት ጉዳት የደረሰባቸው ተማሪዎች ተማሪዎች አንዳሉ አና የህክምና ርዳታ እንደተደረገላቸው ተገልጾኣል። ለተጨማሪ ዜና የኢሳትን ዘገባ ይመልከቱ። 

Blog Archive